香港人看英國新聞
patreon
英國新聞 內政大臣顧綺慧︰將制訂計劃嚴厲打擊推廣仇恨信仰 18-8-2024
🕑 Added 2024-08-18 10:15:20 +0000 UTC
內政大臣顧綺慧表示︰將會嚴厲打擊「推廣仇恨信仰」嘅人。內政部亦表示，佢哋將會「啟動」一項計劃，以「應對極端主義意識形態所帶來嘅威脅」。
內政大臣顧綺慧將嚴厲打擊「推廣有害同仇恨信仰」嘅人士，並喺本月初英國各地發生暴動後，「啟動」一種新嘅打擊極端主義嘅方法。內政部已經著手研究緊一項叫「快速衝刺 ( rapid sprint )」嘅計劃，以開發應對極端主義嘅新策略。該項目旨在提供分析同建議，以應對極端主義意識形態所帶來嘅威脅。呢個計劃將會為政府制定新嘅反極端主義戰略提供資訊，以應對英國各地極端主義模式嘅變化。
內政部表示，呢項計劃將會關注英國伊斯蘭極端主義同極右極端主義嘅興起，以及更廣泛嘅意識形態趨勢，包括極端仇視女性主義或者符合更廣泛範疇嘅暴力信仰。
截至目前，已經有約460人因為同由紹斯波特持刀襲擊疑犯相關嘅虛假資訊引發嘅騷亂而被捕同出庭受審，據報至少有72名未滿18歲嘅人被檢控。除此之外，亦有幾個人因為發布導致騷亂嘅訊息而被檢控，例如發布煽動種族仇恨嘅文字材料或者發送極具攻擊性嘅訊息。
內政大臣顧綺慧表示：「長期以來，政府未能解決極端主義嘅上升嘅問題，導致無論係喺網上定係喺我哋嘅街道上，都見到越嚟越多嘅年輕人喺網上被激進化。所有形式嘅仇恨煽動都係破壞緊我哋社區同民主嘅根本結構。近年來，針對極端主義嘅行動被嚴重削弱，而呢個恰恰係最需要加強返呢啲行動嘅時候。因此，我已經指示內政部對極端主義進行快速分析，以繪製同監控極端主義趨勢，理解有效遏制同引導人哋遠離極端主義觀點嘅證據，並識別現有政策中嘅任何漏洞，以便打擊嗰啲推廣有害同仇恨信仰及暴力嘅人呢項工作將會為政府應對極端主義嘅新戰略奠定基礎，並同社區緊密合作，為我哋嘅計劃建立共識同動力。」
呢項新戰略旨在實現政府嘅宣言承諾，即係防止仇恨意識形態所吸引一啲會受到影響嘅人。顧綺慧同時批評咗上一屆保守黨政府，指出自年以來一直冇反極端主義戰略，並表示，由於缺乏全面嘅應對措施或實際計劃，社區嘅安全性正下降。
